காகங்கள்....

நாம் அன்றாடம் பார்க்கும், நம்ம வாழ்க்கையில் பின்னிப்பிணைந்த  காகங்கள் பற்றி நமக்குத்தான் அதிகம் தெரியாதே ஒழிய, அவைகளுக்கு நம்மைப்பற்றியும், நம் பழக்கவழக்கங்கள் பற்றியும், நம் போக்குவரத்து மட்டும் நம் உணவுப்பழக்கங்கள் பற்றியும் நன்றாகத் தெரிந்து வைத்திருக்கின்றன.
காகங்கள்தான் இந்த பூவுலகிலேயே மிகவும் பரவலாகக் காணப்படும் பறவை. பார்ப்பதற்கு உருவத்தில் சிறியதாகத் தென்பட்டாலும் அறிவுக்கூர்மையில் நாமே பல விஷயங்களைக் கற்றுக்கொள்ளத்தக்க ஆற்றல் கொண்டவைகள்.
பல சுவாரசியமான , வியக்கவைக்கும் தகவல்கள் அடங்கிய காணொளிகளைத்தான் நாம் காணப்போகிறோம்....

மேலும் காகங்களைப் பற்றி அறிய  ... இங்கே , மற்றும் இங்கே 

காகங்கள் நம்மை விட சாமார்த்திய சாலிகளா...? எப்படி !

மேலும் தெரிந்துக்கொள்ள RSPB's  'காகங்களின் பக்கம் '

காகங்களை பற்றிய சில காணொளிகள்...

\

இதோ மிஸ் பண்ணவேக்கூடாத ' A Murder of Crows ' என்ற காணொளி...

சூரியப் புயல்.

ஏற்கனவே நாம் கொஞ்ச நாளைக்கு முன் பார்த்த விஷயம் தான்...'சூரிய சுனாமி' என்றப் பெயரில்! இந்த முறை அதே ஆபத்தைப் பற்றி மறுபடியும் ஒருப் பதிவு. சென்றப் பதிவுக்கும் இந்தப் பதிவுக்கும் இடையே ஆனா நாட்களில், உலகம் இன்னும் கொஞ்சம் சீரியசாகக் கவலைப்பட ஆரம்பித்து உள்ளது.

தற்போதுள்ள வளைகுடாப் பிரச்சனைகள், உலக பொருளாதார வீழ்ச்சி, பல்லாயிரம் அப்பாவித் தமிழர்களைக் கொன்ற கொலைக்காரப்  போர்க்குற்றவாளிகளை தண்டனைக்குள்ளக்கும், உலகின் சிறிதளவேனும் மிந்த நேயம் மிஞ்சியுள்ள நாடுகளின் துரித முயற்சி, உலக வெப்பமயமாதல் போன்ற பல முக்கியமான பிரச்சனைகளுக்கு மத்தியில், மிகப் பெரும் தொழில்நுட்ட்பப்  அச்சுறுத்தலாக உருவாகி வருகிறது!

நம்மையெல்லாம் காத்துவரும், நம் அண்டை நட்சத்திரமான சூரியனே நமக்கு மிகப் பாதகமானச் செயலை செய்யலாம் என்ற அச்சம் உலக மக்களை உலுக்கிவருகிறது! இதை எவ்வளவு கடுமையான அச்சுறுத்தலாக கொள்ளவேண்டும் எனபது நாளுக்கு நாள் அதிகரித்துக்கொண்டே வருகின்றது.

வலையில் உலாவும்போது ' SOLAR STORM WARNING ' என்ற வலைத்தளத்தை காண நேர்ந்தது. அதில் உள்ள கருத்துக்கள் ஏதோ மக்களை பயமுறுத்துவதற்காக உருவாக்கப்பட்டதாகத் தோன்றினாலும், அதிலுள்ள பல விஷயங்கள் விஞ்ஞான உண்மைகளாகவேத் தென்படுகிறது. அதை நீங்களும் காண இங்கே....


நமது முந்தைய பதிவான ' சூரிய சுனாமி 'யிலும் நிறைய செய்திகள் சிதறியுள்ளன... அதைக் காண இங்கே

சமீபத்தில் நான் பார்த்த பிபிசியின் ' Solar Storms - The Threat to Planet Earth ' காணொளி, இந்த ஆபத்தைப் பற்றி மிகத் தெளிவாக அலசியுள்ளது. அதையும் உங்களுடன் பகிர்ந்துக்கொள்ளுகிறேன்...

Solar Storms: The Threat to Planet Earth by silichip

'Earthflight' இல் பறக்கலாம் வாங்க...!

சமீபத்தில் பிபிசியில்  நான் பார்த்து மிகவும் ரசித்து வியந்தத் தொடர்க் காணொளி... 'Earthflight' என்ற அருமையான ஆவணப்படம். ஜான் டவ்னர் [John Downer] தயாரிப்பில், நடிகர் டேவிட் டெனன்ட் [David Tennant] வர்ணனையில், பிபிசி நிறுவனம் வழங்கிய உள்ளத்தைக் கொள்ளைக்கொள்ளும் விருந்தை நாம் அனைவரும் பகிந்துக்கொள்ளலாம்!
பொதுவாக நம் அனைவருக்கும் சிறுவயது முதல் ஒருப் பறவையைப்போல் பறக்கவேண்டும் என்ற ஆசை கண்டிப்பாக இருந்திருக்கவே வேண்டும். வழக்கம்போல,பிபிசி இந்தப் படத்தின் மூலம் நம்மை ஒரு பறவையின் பார்வையோடு, பல நாடுகளையும், கண்டங்களையும், பறவைகளோடு பறவையாக நாம் பறந்துக் கடக்கப்பன்னியுள்ளது என்றால் அது மிகையல்ல !

ஆறு பகுதிகளாக உள்ள இந்தத் தொடர்க்காணொளி வட அமெரிக்கா, ஆப்ரிக்கா, ஐரோப்பா, தென் அமெரிக்கா மற்றும் ஆசியா & ஆஸ்திரேலியா போன்ற தலைப்புகளில், அந்தந்தக் கண்டங்களைச் சேர்ந்தப் பறவைகள் எப்படி கண்டம் விட்டு கண்டம் புலம்பெயர்கின்றன என்பதை, நவீன தொழில்நுட்ப கேமரா மற்றும் கருவிகளைக்கொண்டு, ஏதோ நாமும் அவைகளோடு பறந்துச் செல்வதைப் போன்ற பிரம்மையை ஏற்படுத்தியுள்ளார்கள். இந்தப்படங்களைப் பார்த்தால் பறவைகளைப்பற்றிய நம்முடைய எண்ணமும் மரியாதையும் நிச்சயம் அதிகரிக்கும் என்பது உறுதி... அவைகள் நம் தோட்டத்தில் இருந்தாலும் சரி... நம் டைனிங் டேபிள் மீது இருந்தாலும் சரி!


ஒன்றுவிடாமல் பாருங்க... கடைசியில் வரும் காணொளியில், இந்தத் தொடரை எடுக்க எவ்வளவு மெனக்கெட்டிருக்கிறார்கள் என்றும்  இந்த காணொளிகளின்  பின்னே எவ்வளவு உழைப்பு உள்ளது என்பதையும் நாம் அறிய முடியும். Hats off to you guys!  Thank you BBC...!  

முதலில் ட்ரைலர்...

வட அமெரிக்கா...

ஆப்ரிக்கா...

ஐரோப்பா...

தென் அமெரிக்கா...

ஆசியா & ஆஸ்திரேலியா...

காட்சிகளின் பின்னே...

 
இவர்கள் இதற்குமுன் தயாரித்த 'Polar Bear - Spy on the Ice' படப்பிடிப்பில் நடந்த தமாஷ்!

என்றென்றும் ராஜா !

சில விஷயங்கள் அபூர்வமாகத்தான் நிகழும் ... குறிஞ்சிப்பூ பூப்பதைப்போல! இசை ஞானியின் நேரடி இசை நிகழ்ச்சியும் அதுப்போலத்தான்.  நிகழ்ந்தேவிட்டது! எத்தனைக்கோடித் தமிழர்களின் கனவாக இருந்தது... நனவாக,நிஜமாக மாறியேவிட்டது! இசை ஞானியின் வாழ்வில் சமீபத்தில் நிகழ்ந்த துக்க நிகழ்வான அவரின் துணைவியார் திருமதி. ஜீவா அவர்களின் மறைவுக்குப் பிறகு அவர் பங்குபெற்ற இசை நிகழ்ச்சி என்பதால்,மிகவும் உணர்ச்சிப்பூர்வமாக எதிர்ப்பார்கப்பட்டது. ( 'ஒரு ஜீவன் அழைத்தது' பாடலின் இடையே அவர் தன் கண்ணீரை துடைத்துக்கொண்டபோது, நம் நெஞ்சம் கனக்கிறது.)

ஜெயா டிவி இந்த நிகழ்ச்சியை ஏற்பாடு, உலகத்தமிழர்களிடம் மீண்டும் ஒருமுறை கரகோஷத்தை பெற்றுள்ளது. உலக இசைஞானி ரசிகர்களின் சார்பாக, இந்த பகிர்வின் மூலமாக ஜெயா டிவி நிர்வாகத்துக்கு நமது நன்றிகளை தெரிவித்துக்கொள்ளுகிறோம். 

இப்போது நீங்கள் பார்க்கப்போது,ஜெயா டிவியின் 'என்றென்றும் ராஜா ' நிகழ்ச்சித் தொகுப்பை... எந்த விளம்பர தடங்கலுமில்லாமல்... யூ டியூப் வாயிலாக... இரண்டேப் பகுதிகளாக... நல்ல HD தரத்துடன்...!(அப்லோட் பண்ண நண்பருக்கு கோடி வணக்கங்கள்!) சுத்தத் தங்கத்துக்கு, சர்டிபிகேட் எதற்கு...?! வயலின்கள், செலோக்கள், கிட்டார்கள், கீ போர்டுகள், புல்லாங்குழல்கள், தபேலாக்கள், மிருதங்கங்கங்கள், மேளம், ஷேனாய்கள், டிரம்பெட்டுகள், ட்ரம்சுகள் போன்ற 'நிஜ' இசைக்கருவிகளின் மத்தியிலும், ஹங்கேரி நாட்டைச் சேர்ந்த மேற்க்கத்திய இசைக்கலைஞர்களுடன் நம்ம  ஐயா பாலமுரளி, எஸ்.பி.பி., கே.ஜே.ஜே., சித்ரா, ஹரிஹரன்,உமா ரமணன், தீபன்  போன்ற ஜாம்பவான்களின் இடையே, நம் இசைஞானியோடு கைக்கோர்த்து உலாவரலாம்...! வாங்க...! 

போதும்...

ஸ்டார்ட் ம்யூஸிக் !

[460p resolution இல் வைத்து பாருங்கள் நண்பர்களே...!] 

இதில் இன்னொரு கடைசி பாகமும் உள்ளது... நல்ல தரத்துடன் 


தேடிக்கொண்டிரும்தேன்... கிடைத்தது அதே நண்பர் மூலமாக.... ஆனால் கொஞ்ச 


குறைந்த தரத்தில்....ஆனால் நிகழ்ச்சியின் தரம் கடந்த இரண்டு பாகங்களைவிட இந்தப் 


பாகத்தில் அதிகம்... நீங்களேப் பாருங்க...! 

இந்தியா : புலிகளின் இராட்சியம் !

[வேலைப்பளுவின் காரணமாக நீண்ட நாட்களாக பகிர்வுகளை வெளியிட
முடியாமல் போனதற்காக 'என்ன...எதுவென்று...?! ' ஒருவரும் 
கேட்ட்கவில்லைஎன்றாலும் :-) , நண்பர் ரோம் நகர் செல்வராஜிடம் நான் 
மன்னிப்புக் கேட்டே ஆகவேண்டும்! நண்பரே... நலமா?]

இந்தமுறை பகிரப்போவது 2002 இல் வெளிவந்த, 'இந்தியா : புலிகளின் 
இராட்சியம் !' (India: The Kingdom of Tigers!) என்ற ஆவணப்படம். சும்மா 
கேட்டாலே அதிரும்படியானத் தலைப்பு இல்லே ....! நானாக வைக்கவில்லை,
தானாக அமைந்துள்ளது!

ஜிம் கார்பெட் ! இந்தியப் புலிகளுக்கு வேலியாக மாறிய வேட்டைக்காரன்! 
அவர் எழுதிய ' Man-Eaters of Kumaon' என்ற புத்தகத்தை அடிப்படையாகக் 
கொண்டு படைக்கப்பட்ட ஒரு அருமையான காணொளி. அவர் பிறந்து 
வளர்ந்த இமய மலைச்சாரலில் உள்ள குமாவுன் பளைப் பிரதேசங்களில் 1900 
முதல் 1930 வரை வாழ்ந்த மனிதர்களை கொன்று தின்ற புலிகளையும் 
சிறுத்தைகளையும் வேட்டையாடிக் கொன்ற அவரின் அனுபவங்களைப் 
பற்றிய புத்தகம். இந்தப் புத்தகத்தில் புலிகளைப் பற்றி மட்டுமல்லாமல், 

அந்தக்கால இந்தய வாழிக்கை முறையைப் பற்றியும், இந்திய 
கிராமங்களைப்பற்றியும் அழகாக எடுத்துக் கூறியுள்ளார். நாம் காணப்போகும் 
இந்த காணொளியிலும் இவைகள் எல்லாம் அருமையாகத் 
தெளிக்கப்பட்டுள்ளது.      

அவரைப்பற்றி மேலும் படிக்க சில சுவாரசியமான பக்ககங்கள்... இங்கே , 

1936 ஆண்டு ஜிம் கார்பெட் முயற்ச்சியால் தொடங்கப்பட்ட இந்தியாவின் 
முதல் தேசியப்பூங்காவான ஹெய்லி தேசியப்பூங்கா, பின்பு ராம்கங்கா 
தேசியப்பூங்கா என்று பெயர்மாறி, கடைசியாக 1957 இல் ஜிம் கார்பெட் 
தேசியப்பூங்கா என்று அழைக்கப்பட்டு அவருக்கு கவுரவம் செய்யப்பட்டது.

இந்தப் படத்தை இயக்கியவர் Bruce Neibaur. இசை அமைத்தவர் Michael Brook

இந்தப் படத்திற்கான இசையைக் கேட்க அவரின் இசைத்தளத்திற்கு 
செல்லவும்.
IMAX இல் இவர்கள் அளித்துள்ள இந்தப் படைப்பு என்னைக் கவர்ந்ததுப்போல உங்களையும்  கவரும் என்பதில் ஐயமில்லை!

விடியோவை  720p HD செலக்ட் செய்துக்கொண்டு பார்க்கவும்.....
மீண்டும் சந்திப்போம்....

'ஆறு டிகிரி போதும்...!'

கீழ்வரும் முதல் எட்டுப் படங்களின் பின்னணியை மட்டும் கூர்ந்துப்  பார்த்து, இடங்களைக் கண்டுப்பிடிக்கவும்... தயவு செய்து அதில் உள்ள ஆட்களை கண்டுக்கொள்ள வேண்டாம்.

மேலேயுள்ளப் படங்களும், கீழே நாம் பார்க்கப்போகும் காணொளியும் நிறைய எழுதுவதற்கு வேலையில்லாமல் செய்துவிட்டன!

சென்ற வாரம் நான் பார்த்த, நேஷனல் ஜியாகரப்பியின் "Six Degrees Could Change the World” என்ற உலக வெம்மைப் பற்றிய அருமையான காணொளியை உங்களுடன் பகிந்துக்கொள்ள விரும்புகிறேன். 'ஆறு டிகிரி போதும்...!', இந்த உலகை மாற்ற.... எப்படி...? நன்றாகவா...? அதுதான் இல்லை. நாசமாக்க! உலக வ்வேப்ப நிலையில் ஒரு டிகிரி ஏற்றம் கூட மோசமான விளைவுகளை ஏற்ப்படுத்தும். இதில் ஆறு டிகிரி எனபது, உலகின் வாழ்வியலையே தலைக்கீழாக மாறக்கூடிய விளைவை ஏற்ப்படுத்தும். இன்னும் முப்பது வருடங்களில் மோசமாகவும், நூறு வருடங்களில் 11 டிகிரிகள் உயரக்கூடிய அபாயம் இருப்பதாக விஞ்ஞானிகள் அச்சப்படுகின்றனர்! 

மார்க் லைனாஸ் (Mark Lynas) எழுதிய 'Six Degrees: Our Future on a Hotter Planet ' என்ற புத்தகத்தை அடிப்படையாகக்கொண்டு, ஹாலிவூட் நடிகர் ' அலெக் பால்ட்வின்' (Alec Baldwin) அவர்களின் வர்ணனையோடு, அட்டகாசமான கிராபிக்ஸ் காட்சிகளுடன், உலக வெம்மையின் பாதிப்புகளை, நம் கண்முன்னே கொணருகிறது இந்தப் படம். இந்தப் படம் நமக்கு ஒரு எச்சரிக்கைப் பாடமாக இருக்கும் எனபது நிச்சயம்!

Mark Lynas

 Alec Baldwin

வாங்கப் படம் பார்க்கலாம்......

சாப்பாடு தயார்....

மனம் நெகிழ வைக்கும் அருமையான குறும்படம்.... 

"அன்பும் அறனும் உடைத்தாயின் இல்வாழ்க்கை

பண்பும் பயனும் அது."

திரு மு.வரதராசனார் உரை

இல்வாழ்க்கையின் அன்பும் அறமும் உடையதாக விளங்குமானால், அந்த வாழக்கையின் பண்பும் பயனும் அதுவே ஆகும்.

திரு மு.கருணாநிதி உரை

இல்வாழ்க்கை பண்புடையதாகவும் பயனுடையதாகவும் விளங்குவதற்கு அன்பான உள்ளமும் அதையொட்டிய நல்ல செயல்களும் தேவை.

திரு சாலமன் பாப்பையா உரை

மனைவி பிள்ளைகளிடத்தில் அன்பும், தேடிய பொருளை நட்பு சுற்றங்களுடன் பகிர்ந்து கொள்ளும் அறமும் இருந்தால் இல்வாழ்க்கையின் பண்பும் அதுவே; பயனும் அதுவே.

வாழ்த்துக்கள்!, இயக்குனர். திருமதி.நிதுனா நெவில் தினேஷ்.[Mrs.Nithuna Nevil Dinesh]

['இந்தக் காணொளியைப் பார்த்துவிட்டு ஒரு சொட்டுக் கண்ணீர் விடாதவன்


 மனுஷனேயில்லை' என்று எழுதலாம் என்று இருந்தேன்... அடடா 


எழுதிவிட்டேனே...! உண்மைதானா  நண்பர்களே....?! நீங்களே சொல்லுங்கள்.....]